Barcha Yangiliklar

Prezident Shavkat Mirziyoyevning qarori bilan tasdiqlangan 2017-2021-yillarda O‘zbekiston Respublikasini rivojlantirishning ustuvor yo‘nalishlari bo‘yicha Harakatlar strategiyasini amalga oshirishga oid davlat dasturi doirasida Vazirlar Mahkamasining majlisi bo‘lib o‘tdi. Mamlakatimiz iqtisodiyotida eksport va uni rivojlantirish katta ahamiyatga ega, chunki O‘zbekiston katta eksport salohiyatiga ega. Shuni hisobga olib, Vazirlar Mahkamasining 2021-yil 30-martdagi “O‘zbekiston Respublikasida eksportni moliyaviy qo‘llab-quvvatlashni yanada kengaytirish chora-tadbirlari to‘g‘risida”gi 167-son qarori qabul qilindi. Endilikda eksportchilarning savdo uylarini ochish va saqlash, ofis, chakana savdo va omborxonalarni ijaraga olish, shuningdek, xorijda reklama kampaniyalarini tashkil etish bilan bog‘liq xarajatlari subsidiyalar hisobidan qisman qoplanadi. Ushbu subsidiyalar O‘zbekiston Respublikasi Investitsiyalar va tashqi savdo vazirligi huzuridagi Eksportni qo‘llab-quvvatlash agentligiga davlat byudjetidan ajratiladi. Eksportni qo‘llab-quvvatlash agentligi mahalliy eksport qiluvchi korxonalarning savdo uylarini ochish va saqlash, ofis, savdo va omborxonalarni ijaraga olish, shuningdek, reklama kampaniyalarini tashkil etish bilan bog‘liq xorijiy xarajatlarining 50 foizini qoplaydi. Bunga quyidagilar kiradi: ro'yxatdan o'tish to'lovi; ofis, chakana savdo va ombor maydonini ijaraga olish narxi; elektr ta'minoti manbalariga ulanish, elektr energiyasi va kommunal xizmatlar uchun to'lov; reklama kampaniyalarini tashkil etish; Qarorning ijrosini nazorat qilish O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari – investitsiyalar va tashqi savdo vaziri S.U.Umurzoqov zimmasiga yuklansin.

• 2021-yil 30-martda Vazirlar Mahkamasining qarori Qonun hujjatlari ma’lumotlari milliy bazasida davlat tilida e’lon qilindi va kuchga kirdi.

"